-->
-->
Поддршка од 4,5 милиони денари за спортските клубови и граѓанскиот сектор од Македонска Каменица
-->
Со 4,5 милиони денари општината ќе ги помага спортските клубови и здруженија на граѓани во Македонска Каменица. Најмногу од средствата од општинскиот буџет се наменети за поддршка на фудбалскиот клуб „Каменица Саса” на кој каменичките советници на последната седница му одобрија два милиони и 100 илјади денари. Ова за тренерот на екипата Климент Ѓорѓиевски ќе биде доволно екипата успешно да ја доврши сезоната во втората фудбалска лига.
-Кај нас главни донатори се рудник Саса, општина Македонска Каменица, па потоа дел се членарините од фудбалерите до 12 години. Ние побаравме сума која е минимална и е потребна да функционираме. Наскоро стартува пролетниот дел од сезоната, а овие средства ќе бидат доволни да ја завршиме сезоната, истакна Ѓорѓиевски.
Освен ФК „Каменица Саса” поголем дел од средствата вкупно милион и 100 илјади доби женскиот прволигаш во кошарка, екипата на „Баскет Кам” додека каменичкиот Совет одлучи од општината поддршка да добијат вкупно 13 апликанти.
Како што беше напоменато на последната седница на Советот на општина Македонска Каменица планирано е додатно издвојување средства со кои општината активно ќе се вклучи кон овозможување на основни услови за одржување и помагање во реализацијата на проектите организирани од правни и физички лица, кои во изминатиот период во континуитет работат во областа на културата и спортот во општината.
-->
-->
-->
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен