Почна евакуацијата на бунтовниците од Хомс

Сириските бунтовници и нивните семејства рано изутринава почнаа да го напуштаат својот последен бастион Хомс согласно договорот со владата за евакуација.

Првите два автобуса со бунтовници и нивните семејства тргнаа од областа Ал Ваер кон други области кои се под контрола на бунтовниците во северниот дел на Сирија.

Гувернерот на Хомс, Талал Барази изјави дека денеска ќе бидат евакуирани меѓу 400 и 500 борци заедно со нивните семејства.

Според договорот меѓу бунтовниците и сириската Влада, повеќе од 12.000 луѓе во групи ќе го напуштат Хомс во следните недели, соопшти Сирискиот центар за мониторинг на човековите права.