Пјонгјанг го предупредува Сеул да не одржува заедничка воена вежба со САД
Северна Кореја ја предупреди Јужна Кореја да не одржува заедничка воена вежба со САД, неколку дена откако по една година повторно беше воспоставен комуникациски канал помеѓу двете земји.
– Таквите вежби се несакан увод, што сериозно ја попткопува желбата на лидерите на северниот и јужниот сосед да преземат чекори кон воспоставување на меѓусебна доверба, изјави денеска Ким Јо-џонг, сестра на севернокорејскиот лидер Ким Џонг-ун.
Во Јужна Кореја нејзината изјава се протолкува како обид да се изврши притисок врз Сеул да ги откаже годишните летните воени вежби.
Пјонгјанг истакнува дека годишната заедничка воена вежба на САД и Јужна Кореја се подготовки за напад, а Вашингтон и Сеул демантираат.
Јужна Кореја соопшти дека се уште не е познато кога и во која мера годинава ќе се одржи заедничката воена вежба со САД, стравувајќи оти истата би можела да им наштетат на преговорите за нуклеарната програма на Северна Кореја.
Северна и Јужна Кореја на 27 јули повторно ги отворија службените комуникациски канали, во согласност со договорот постигнат во април помеѓу Ким и јужнокорејскиот претседател Мун Џае-ин.
Ким минатата недела побара зголемување на борбената ефикасност на армијата, а од военото и политичкото раководство побара да ги насочи сите напори кон завршување на подготовките за активна и офанзивна конфронтација со каква било воена провокација на непријателот.
Тој, исто така, ги обвини непријателските сили, САД и и Јужна Кореја дека ги зајакнуваат своите способности да преземат превентивен напад и да ги интензивираат воените вежби како подготовка за агресија, и поради тоа побара зголемување на борбената ефикасност на севернокорејските единици.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата