Писториус: Можно е Русија во 2029 - 2030 година да нападне земја-членка на НАТО

– Министерот за одбрана на Германија, Борис Писториус вчера изјави дека постои теоретска можност Русија да се обиде да нападна земја-членка на НАТО во периодот 2029 – 2030 година.

– Воените експерти многу внимателно ги следат случувањата во Русија.

Воената индустрија таму значително се развива, се произведуваат многу тенкови и авиони, што значи дека значително растат руските вооружени сили.

До 2026 година нивниот број веројатно ќе се зголеми на 1,5 милиони војници, изјави Писториус при посетата на Литванија.

Тој додаде дека воените експерти веруваат оти рускиот претседател Владимир Путин би можел теоретски да ги реорганизира своите вооружени сили во 2029-2030 година за да создаде поволни услови за напад на други земји, особено на земјите од НАТО.

Затоа треба да ја обезбедиме нашата одбранбена способност до овој момент. Оваа задача, се разбира, бара и време и пари, но ние се стремиме кон таа цел, нагласи Писториус.