Пијани прилепчани не платиле сметка, се вратиле со шипки и го нападнале газдата на клубот

Во Полициската станица во Прилеп вчера во 09.45 часот Г.Р. (43) од Прилеп,  сопственик ноќен клуб, пријавил дека во текот на ноќта посетителите В.К., З.Д., Д.Н. и уште неколку непознати лица кои биле во алкохолизирана состојба, заминале од клубот без да ја платат сметката.

МВР денеска соопшти дека тие во 04.20 часот,  маскирани и со железни шипки се вратиле во клубот, ја скршиле влезната врата, со спреј-солзавец го испрскале и физички го нападнале Г.Р. и со шипките во раце се движеле по масите на присутните и шанкот на објектот, кои во страв и паника почнале да бегаат и да излегуваат од локалот.

Во општата болница во Прилеп на Г.Р. му се констатирани телсни повреди- расекотини во пределот на главата. СВР Битола превзема мерки за пронаоѓање на сторителите.