Папата Франциск одржа миса за 35.000 верници во Папуа Нова Гвинеја
Папата Франциск денеска одржа миса пред 35,000 верници во главниот град на Папуа Нова Гвинеја, Порт Морсби, што е дел од неговата турнеја во четири земји од Азија и Океанија.
Литургијата се одржа на локален стадион, а присутните носеа традиционални облеки или маици и капи со ликот на папата.
По мисата, папата отпатува длабоко во џунглата во југозападната пацифичка држава Папуа Нова Гвинеја за да ги посети католиците кои живеат во една од најоддалечените области во светот, каде што достави медицински материјали и друга помош, информираше портпаролот на Ватикан.
Летајќи околу 1,000 км во воен товарен авион C-130 Hercules обезбеден од Кралските австралиски воздухопловни сили, папата пристигна со мала придружба на соработници во Ванимо, град со околу 12,000 жители на северозападниот дел на главниот остров Папуа Нова Гвинеја кој нема водоснабдување, а струјата е дефицитарна.
Поглаварот на Римокатоличката црква со себе донел стотици килограми предмети за да му помогне на локалното население, изјави портпаролот на Ватикан, Матео Бруни.
Тие вклучуваат разни лекови и облека, како и играчки и музички инструменти за децата во училиште, рече Бруни.
Папата е во посета на Папуа Нова Гвинеја, земја со 600 острови, како дел од амбициозната 12-дневна турнеја низ четири земји во Југоисточна Азија и Океанија, најдолга од неговиот 11-годишен папски мандат.
Папата Франциск е првиот папа кој ја посетил оваа поранешна австралиска колонија по Јован Павле Втори. Околу 98% од населението на Папуа Нова Гвинеја се христијани.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје