Панел-дискусија во Охрид за евроинтегративните процеси и развојните перспективи на градот и Југозападниот плански регион
Во организација на Европското движење во Република Северна Македонија (ЕММК) денеска во Охрид се одржува панел дискусија чија цел е приближување на претпристапните преговори за членство во Европската унија кон граѓаните.
Со оглед што Македонија е во финална фаза од подготовките за отпочнување на претпристапните преговори, намерата е преку разговор граѓаните на Општина Охрид и Југозападниот плански регион да се запознаат со резултатите од истражувањата спроведени од ЕММК. Предвидено е дискусијата особено да насочи кон туризмот и културното наследство на регионот, поточно идентификување на развојните фактори и тој значаен сегмент од Поглавјето 26 на претпристапните преговори.
Организаторот најави дека посебна цел на дискусијата ќе биде и афирмацијата на европските инцијативи за потесна соработка на локалните власти, граѓанските здруженија и другите релевантни чинители во развојните процеси.
Панел дискусијата е дел од активностите на проектот „Граѓанските организации во служба на демократијата“, финансиран од Европската Унија преку ИПА програмата за граѓанско општество и медиуми.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време