Oраторска вечер „Петар Поп Арсов“ во Велес
Во театарот во Велес синоќа се одржа 7. традиционална ораторска вечер „Петар Поп Арсов“.
На ораторската вечер насловена „Образованието е пат кон личниот успех и успех на државата“ учествуваа десет млади оратори од Струмица, Градско, Неготино, Охрид и Велес. Ораторската вечер се одржа во организација на УМС на ОК на ВМРО-ДПМНЕ.
Професорката Анита Мирчева од жири-комисијата на ораторската вечер, која има и натпреварувачки карактер, истакна дека одлучиле првото место да и припадне на Ангела Илоска од Охрид, второто на Донка Илчева и третото место на Филип Аргон од Велес.
Првопласираната Ангела Илоска, студент на Факултетот по медицина во Скопје, изјави дека ова и е втор настап, а првиот и бил минатата година на ораторската вечер во Битола.
- Јавното изразување е едно од најсилните алатки која ја поседуваме и една од основите на комуникација особено во современиот свет. Тоа беше она што ме мотивира, потенцира Илоска.
Живе Катранџиев, претседател на УМС на ОК на ВМРО-ДПМНЕ од Велес во својство на организатор на манифестацијата рече дека ораторската вечер од година во година е се подобра и поквалитетна.
- За квалитетот и реномето на ораторската вечер потврда е тоа што освен од Велес има пријавено и млади оратори од други градови од земјава. Воедно, факт за квалитетот е тоа што минатогодишниот победник на ораторската вечер во Велес, Стефан Николовски учествуваше и на Регионалната ораторска вечер и беше победник и таму, а воедно и на финалната ораторска вечер на Македонија успеа да го освои второто место,потенцира Катранџиев.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал