Околу 1.500 малолетни деца стапиле во брак во Германија
Германскиот регистер за странски државјани денеска објави информации според кои 1.475 деца на странски државјани кои што живеат во Германија се во во брак.
Според официјалниот извештај на регистерот реалниот број на деца кои се во брак е уште поголем затоа што понекогаш браковите кои се договараат меѓу родителите на малолетниците не се заверуваат пред германските институции.
Според информациите кои ги објави партијата на „Зелените“ најголем дел од овие деца се девојчиња (1.152). Меѓу нив најголем број се деца на бегалци од Блискиот Исток но многу од децата доаѓаат од земји членки на ЕУ. На листата на детски бракови во Германија води Сирија (664), по неа е Авганистан (157) а присутни се и Бугарија (65), Полска (41), Романија (33) и Грција (32).
Најголем дел од малолетните бракови се склучени меѓу 16 и 18 години старост, а има и 361 дете под 14 годишна возраст кои се легално во брак. Во Германија бракови можат да склучуваат партнери над 18 години а во некои исклучоци може да се дозволи и на лица над 16 години старост.
Дел од политичките претставници бараат забрана за малолетнички бракови без разлика на потеклото на партнерите затоа што во најголемиот дел од случаите се работи за малолетни невести кои насилно се мажат за постари партнери. Проблемот со малолетничките бракови сега ќе го решава специјална работна група во министерството за правда.
Ново на Сител
-
Русија ги обвини САД дека сакаат да распоредат оружје во вселената
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори