Одложено судењето за „Еразмус“
Судското рочиште за предметот „Еразмус”, во кој шест лица вработени на Економскиот факултет во Скопје се товарат за примање поткуп и злоупотребување на службената положба, денеска е одложено по барање на адвокатот Јован Јоанидис за изземање на Судечкиот совет.
Јавното обвинителство за гонење организиран криминал и корупција поднесе обвинение за примање „поткуп“ во октомври минатата година. Во случајот „Еразмус“ се обвинети шест лица, професори и демонстратори од Економскиот факултет во Скопје и еден вработен во бифето.
Во барањето за изземање е наведено дека токму судиите Љубинка Башеска и Ивица Стефановски, како членови на Кривичен совет, веќе еднаш решавале по жалба на второобвинетиот Драге Јанев и притоа донеле решение со кое ја потврдиле одлуката на судија на претходна постапка. Башеска и Стефановски еднаш веќе носеле решенија, а сега се јавуваат како Судечки судии во истиот предмет.
Според адвокатот Јоанидис, постои сомнение дека овие судии не можат непристрасно да одлучуваат бидејќи веќе еднаш одбиле жалба на одбраната.
Судењето е одложено се додека в.д. претседателот на Основниот суд Скопје 1 Скопје, Татјана Михајлова, не одлучи по барањето за изземање.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера