Од почетокот на годинава спречен влез на 37.000 мигранти во тунелот под Ламанш

Од почетокот на годинава бил спречен влез на повеќе од 37.000 мигранти во тунелот под Ламанш, кој ги поврзува Франција и Англија, соопшти денеска компанијата „Евротунел“, која управува со сообраќајот во истоимениот тунел.

Во текот на претходните две ноќи, прво 2.000, а потоа уште 1.500 мигранти се обиделе во францускиот град Кале да влезат во Евротунелот, очајнички обидувајќи се да стигнат до Велика Британија, при што синоќа еден мигрант бил пронајден мртов.

Компанијата „Евротунел“ е изложена на се поголем протисок да докаже дека може успешно да го обезбедува тунелот, низ кој минуваат многу патници и размена на стока меѓу двете земји.