Нови 14 случаи со Ковид-19 во Косово, вкупно 224 заразени, 37 излекувани и шестмина починати
Во текот на вчерашниот ден во Косово се регистрирани седум случаи на излекувани од новиот коронавирус, како и нови 14 носители на вирусот, по што официјалната бројка на заразени од Ковид-19 во земјата достигна до 224, објави Институтот за јавно здравство на Косово (ИШПК).
Вклучително вчерашните седуммина, бројот на лица кои и по две последователни испитувања резултираа негативни на новиот вирус, што, според критериумите на Светската здравствена организација, значи дека се излекувани, се зголеми на 37.
Како што јави дописникот на МИА од Приштина, вчера е забележан и еден нов смртен случај како последица на заразата, со што бројката на починати лица дијагностифицирани со Ковид-19 во Косово се искачи на шест. Вчерашната жртва, 66-годишна жена од село во општина Малишево, како и останатите петмина кои претходно починаа поради заразата, страдала и од други тешки болести, а била примена на 4 април во тешка здравствена состојба.
Во средата во лабораторијата за молекуларна микробилогија на ИШПК се тестирани примероците на 218 лица за кои постоело сомневање дека се можни носители на вирусот. Вкупната бројка на тестирани од 8 февруари, заклучно со вчерашниот ден, изнесува 2.570.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен