Форум за локален економски развој во општина Илинден
Во Домот на културата во општина Илинден се одржа форум за локален економски развој на кој учествуваа 170 компании кои стопанисуваат во оваа општина.
На форумот се обрати градоначалникот Жика Стојановски, кој им се заблагодари на компаниите што дале свој придонес во развојот на општината и во подобрувањето на условите и квалитетот на живот во општината.
Стојановски го истакна придонесот на форумот во носењето на стратешките документи за локалниот економски развој на општината.
На форумот беа презентирани реализираните акциони чекори и активностите од Стратешкиот план за локален економски развој на општината, а биле разгледани и можностите за подобрување на условите за инвестирање. Претставниците од компаниите ги истакнаа поволните услови за водење бизнис поради кои го почнале или продолжиле својот бизнис во општината.
На присутните им се обратија и директорката на ЗЕЛС, Душица Перишиќ, како и претставници од Сојузот на стопански комори на Македонија, од ОБСЕ мисијата во Скопје и од УСАИД.
Форумот за локален економски развој е формиран во 2005 година, по што беше изработен Стратешкиот план за локален економски развој на Општина Илинден 2006-2011 година, а зацртаните чекори во овој Акционен план беа реализирани со 91 отсто успешност. Форумот, како што наведуваат од општината, дал придонес и во подготовката и рализацијата и на Стратешкиот план за локален економски развој на општината за периодот од 2012 до 2016 година.
Ново на Сител
-
Маск: Се надевам дека во иднина ќе има целосно слободна трговија меѓу САД и Европа
-
Загрижувачки раст на случаите на семејно насилство во Албанија
-
СДСМ утре избира претседател, Филипче единствен кандидат
-
Времето утре претежно облачно и студено со врнежи од дожд, а во повисоките места од дожд и снег
-
За денеска најавени над 1.200 протести против Трамп
-
Поведена постапка против малолетник осомничен за силување петгодишно девојче
-
Приведен 40-годишен скопјанец баран за издржување казна затвор
-
Лишен од слобода жител на село Голем Папрадник, пронајдена марихуана