Српско-албански Бизнис форум во Ниш
Во српскиот град Ниш денеска ќе се одржи Бизнис форум „Србија-Албанија“, на кој ќе учествуваат околу 300 претставници на компании и стопанственици од двете земји.
Собирот се организира со цел да дојде до приближување на српската и албанската бизнис заедница.
Како што јави Танјуг, ова е прв голем собир на српските и албанските стопанственици, а се одржува во Ниш, кој од вчера, па во следните седум дена е седиште на српската Влада.
Форумот ќе го отворат премиерите на Србија и на Албанија, Александар Вучиќ и Еди Рама, а на него ќе говори и директорката на Светската банка за Западен Балкан, Елен Голдстин.
Домаќини на форумот се претседателот на Стопанската комора на Србија (ПКС), Марко Чадеж и претседателот на асоцијацијата Бизнис Албанија, Луан Брегази.
По пленарниот дел од Форумот предвидени се билатерални средби на стопанствениците во текот на кои претставниците на деловните заедници на Србија и Албанија ќе разговараат за конкретни зделки и заеднички проекти.
На Форумот учествуваат компании од секторот на прехранбената индустрија, трговијата, електро и машинската, градежната, хемиската, металопреработувачката и дрвната индустрија, како и од областа на туризмот и хотелиерството и телекомуникациите.
Ново на Сител
-
Песков: Русија ќе го разгледа предлогот за триесетдневен прекин на огнот во Украина
-
Фон дер Лајен, Макрон и Мерц: Построги санкции ако Русија одбие примирје
-
Индија и Пакистан потврдија за договорен прекин на огнот со посредство на САД
-
Одбележана 10 годишнина од настаните во Диво Насеље
-
Турчин во Скопје со капак од шахта удирал по глава свој сонародник, пробал да го убие
-
Вработена во основно училиште пријавила дека била нападната од ученик
-
Жената која беше пријавена за исчезната, пронајдена почината
-
Федерер за последниот натпревар: Му кажав работи на Ѓоковиќ кои го разнежнија