Триумф на Ѓорческа во двојки на фјучрсот во Франција

Македонската тенисерка Лина Ѓорческа продолжи со победите на мечевите во игра на двојки. Таа попладнево во францускиот град Сен Мало заедно со Дијана Марцинкевича од Летонија победи на турнирот што се игра за награден фонд од 50.000 долари + хоспиталити. Тие во финалето ги победија романските тенисерки Алекасндра Каданцу и Жаклин Адина Кристиан.

Првиот сет со 6:3 во гемови им припадна на романските тенисерки, а втоориот го добија Ѓорческа и Марцинкевича. Во решавачкиот сет беше 10:8 на поени за македонско-летонската двојка.

Ова за Ѓорческа е шести триумф во двојки во 2016 година, но ова е турнир од највисок ранг освоен досега. За триумфот Ѓорческа ќе освои 100 поени.

Во поединечна конкуренција триумфираше Марина Заневска од Украина која со 2-0 во сетови ја победи Камила Росатело од Италија. Ѓорческа во првото коло во сингл беше елиминирана од победничката на турнирот Заневска.