-->
-->
Познат идентитетот на загинатиот и возачот на автобусот во трагичната сообраќајка
-->
Пожарникари ги ваделе повредените патници од автобусот со кој македонски туристи се враќале синоќа од Истанбул. Во сообраќајната несреќа едно лице загина на самото место, а 38 се повредени, од кои пет сериозно. Како што пишуваат турските медиуми, еден од патниците бил извлечен од автобусот со две скршени нозе, пренесува Телеграф.
Македонски туристички автобус вчеравечер во 00.30 часот по локално време, на враќање од Истанбул, во градот Текирдаг удрил во камион со приколка кој се движел пред него. Автобусот буквално се забил во камионот, кој го влечел 150 метри, пишуваат турските медиуми.
Повеќе туристи останале заробени во автобусот, поради што пожарникарите морале да интервенираат и да го сечат автобусот за да ги спасат луѓето. Како што пренесуваат турските медиуми, едниот од нив бил извлечен со двете скршени нозе.
На самото место починал еден македонски турист, за кој турските медиуми наведуваат дека е на возраст од околу 40 години, со иницијали Н.Ј.
Останатите 37 патници и возачот З.М. (50) се здобиле со повреди и истите се хоспитализирани во околните болници. Петмина од нив се тешко повредени.
Полицијата работи на утврдување на причините за несреќата. Камионот го управувал 28-годишен турски државјанин кој поминал без повреди. Според турски медиуми, во притвор се наоѓаат возачот на автобусот и возачот на камионот.
-->
-->
-->
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време