Британскиот заменик амбасадор Едвардс во посета на Гевгелија
Заменик амбасадорот на Велика Британија во Македонија, Пол Едвардс, денеска престојуваше во посета на Гевгелија каде од градоначалникот Иван Франгов беше информиран за проблемите со кои се соочува општината и нејзиното население со бегалската криза како и за начинот за нивно решавање со помош на Министерството за труд и социјална политика, УНХЦР и претставниците на ЕУ во земјава.
Градоначалникот Франгов информирал и за мерките за решавање на бегалската криза што ги донесе локалниот Совет за превенција на општина Гевгелија, а кои веќе се доставени до Републичкото координативно тело за справување со кризата.
Франгов при тоа потенцира дека како најургентно се бара евидентирањето на мигрантите и издавањето дозволи за барање азил да се одвива на прифатен пункт, што би бил лоциран на 600 метри до граничната линија меѓу Македонија и Грција. Тоа, вели, би овозможило приуството на мигрантите во градот да се сведе на минимум и да се забрза постапката за нивно транспортирање кон Табановце.
По средбата Франгов и заменик амбасадорот Едвардс беа во посета на железничката станица во Гевгелија каде секој ден престојуваат од 500 до 1.000 бегалци.
Ново на Сител
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје
-
Русија тврди дека Украина го нападнала Крим со американски ракети