ЛШ: Финале за Кјелце и Веспрем

Ракометарите на Веспрем ќе му се спротивстават на Кјелце во финалето на Лигата на шампионите. Унгарскиот шампион, во второто полуфинале, по дополнилните десет минути го совлада Кил 31-28, откако во регуларниот дел натпреварот заврши 25-25.

 

Искуството и поголемиот фонд на квалитетни играчи му овозможи на Веспрем пласман во финалето, каде ќе се бори за првата титула во клупската историја.

 

Брилијантен меч, незивесен до самиот крај одиграа Веспрем и Кил, ниту една екипа немаше предност поголема од три гола (Кил 5-2, 15-12). Но во двата случаи на предноста на Кил, Веспрем одговараше со серија од 4-0 и 5-0.

 

Кил, не успеа во регуларниот дел да го реши победникот, имаше германскиот тим водство 25-24 и напад кој не го реализира Дисингер, а во последниот напад Маргуч погоди на шест секунди до крајот за 25-25.

 

Психолошкиот момент од крајот на мечот, Веспрем го пренесе во продолженијата, каде блесна Слишковиќ со два гола и му овозможи на Веспрем пласман во финалето.

 

Илиќ со осум и Маргуќ со шест гола го предводеа Веспрем, додека на спортивната страна голманот Ландин имаше 14 одбрани, а Вујин со осум и Дувњак со седум голови ги предводеа стрелците.