„Мал битолски Монмартр“ во чест на патрониот празник „Св.Кирил и Методиј“
Првиот ден од меѓународната детска ликовна колонија „Мал битолски Монмартр“ е во знакот на патрониот празник на детското ликовно студио „Св. Кирил и Методиј“-Битола кое името на сесловенските просветители го носи од првиот ден на основањето.
По синоќешното спектакуларно отворање, традиционалниот 20-минутен огномет и врачување на наградите за најдобрите ликовни творби кои беа претставени на светска изложба, учесниците денеска почнуваат со сликање на различни локации, истакна Коста Хаџиантоновски, раководител на детското ликовно студио „Св.Кирил и Методиј“-Битола.
-Патрониот празник го славиме со неколку јубилеи – 35 години „Мал битолски Монмартр“, 60 години лична педагошка дејност и 81 години живот, исполнет со голема посветеност кон децата од светот. Младите ликовни таленти утрово почнаа да сликаат пред Градскиот часовник, Старата битолска чаршија и на Широк Сокак и веќе учествуваат во првата новина на годинешната колонија, а тоа е избор на најдобриот поединец на денот кој ќе го избираат самите учесници. Во рамките на програмките новости е и наградата најдобар ликовен педагог која ќе ја доделиме на крајот од колонијата, посочи Хаџиантоновски.
Учесниците од Европа, Азија и Африка три денови ќе сликаат во Битола, на 27 мај ликовниот караван ќе престојува во Крушево, а на 28 мај во Охрид. На 29 мај ќе се одржи ликовниот хепенинг „Рио 2016“ кога учесниците ќе сликаат на тема „Олимпијадата во очите на децата“, а најдобрите ликовни творби ќе бидат претставени на изложба во олимпиското село во Рио де Жанеиро.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување