Вандализиран муралот на Мајка Тереза

Граѓаните кои денот го поминаа во Градскио парк во Скопје беа згрозени од начинот на кој е вандализиран муралот со ликот на Мајка Тереза на Школка.

Најверојатно во текот на ноќта непознати лица исцртале марама преку устата и ликот на светата Мајка Тереза.

Се работи за марама со детали од уличната урбана култура.

Дури и потегот да има за цел да испрати некаква порака до општеството, граѓаните со кои беше разговарано велат дека потегот е навредлив и повикаа надлежните веднаш да реагираат.

Муралот со ликот на Мајка Тереза и Камениот мост до неа беше насликан во август 2023 година.

Оттогаш до денес на Школка се одржале голем број хуманитарни и промотивни настани.