Манчестер сити загуби три натпревари во низа

Манчестер сити претрпе три порази во низа за прв пат од април 2018 година.

„Граѓаните“ синоќа беа поразени во 4. коло во Лигата на шампионите од Спортинг (1:4). На 31 октомври, тимот на Пеп Гвардиола загуби од Тотенхем (1:2), а на 2 ноември од Борнмут (1:2) во натпреварите од Премиер лигата.

Исто така, Манчестер сити немаше примено четири гола на натпревар од Лигата на шампионите уште од октомври 2016 година. Тогаш тимот загуби од Барселона со 0:4.

Шанса да се прекине лошата серија Манчестер сити ќе има в недела кога ќе гостува кај Брајтон во натпреварот од 11. коло од Премиер лигата.