Германија ќе продолжи да прима мигранти од Италија

Германија одлучи да продолжи да ги прифаќа мигрантите и бегалците кои пристигнуваат во Италија, изјави министерката за внатрешни работи Ненси Фезер, два дена по објавувањето на крајот на доброволниот договор со Рим за прифаќање на новопристигнатите.

Според шемата за солидарност на Европската унија, Германија вети дека ќе им помогне на земјите-членки кои се особено преоптоварени со мигранти, како што е Италија, со прифаќање на 3.500 луѓе. Берлин рече дека Рим не ги исполнува своите обврски според Даблинските правила за обработка на барањата за азил на ЕУ во земјата на пристигнувањето на барателите на азил.

Но, министерката Фезер рече дека поради неодамнешното пристигнување на илјадници мигранти на малиот италијански остров Лампедуза, Германија сепак ќе прифати луѓе.

„Причината зошто ја прекинавме процедурата… е тоа што Италија не покажа желба повторно да прима луѓе според Даблинската процедура. Сега, се разбира, јасно е дека ќе ја исполниме нашата обврска за солидарност“, изјави Фезер за германската телевизија А Ер Де.