Големи поплави во Канада, исчезнати четири лица | ВИДЕО
Дождот што ја погоди атлантската канадска провинција Нова Шкотска, според официјални лица, е најсилен во последните 50 години. За помалку од 24 часа во областа наврнале околу 250 мм дожд, што одговара на количината што паѓа во просек за три месеци
Четири лица, меѓу кои две деца, се водат за исчезнати од саботата во поплавите предизвикани од обилните врнежи во провинцијата Нова Шкотска, во источна Канада.
Двете исчезнати деца биле во автомобил кој бил потопен од надојдените води, а еден маж и едно младо лице се исчезнати откако возилото во кое се наоѓале исто така било потопено, јави Би-би-си.
Дождот што ја погоди атлантската канадска провинција Нова Шкотска, според официјални лица, е најсилен во последните 50 години. За помалку од 24 часа во областа наврнале околу 250 мм дожд, што одговара на количината што паѓа во просек за три месеци.
Невремето започна во петокот, предизвикувајќи големи поплави и материјална штета. Илјадници домови се оставени без електрична енергија, а во делови од протвинцијата Нова Шкотска е прогласена вонредна состојба.
Оштетни се и патишта, а најмалку седум моста ќе треба да се санираат поради штетите од невремето.
Поплавите се најновиот екстремен временски настан што ја погоди североисточна Канада, по неодамнешните шумски пожари кои пеплосаа рекордна површина.
Ново на Сител
-
Приведен маж од Свети Николе поради предизвикување пожар
-
По 45-ти пат во Охридското Езеро утре ќе се плива традиционалниот Илинденски пливачки маратон
-
Ангелов: До крајот на денот се очекува да пристигнат летала и тимови од неколку земји за справување со пожарите
-
За продолжениот викенд многу топло време со попладневна нестабилност
-
Илинденско послание на архиепископот охридски и македонски г.г. Стефан
-
Црвен крст отвори жиро-сметка за донации и СОС линии за психолошка прва помош за настраданото население од пожарите
-
Kривична пријава за 17-годишен малолетник кој нападнал и силувал малолетничка и двајца возрасни кои во неколку наврати физички ја нападнале
-
Кривична пријава за обид за убиство во Радовиш