Средба на Пендаровски со претставници на ЗНМ и меѓународни новинарски и медиумски организации
Претседателот на државата Стево Пендаровски денеска прими претставници на Здружението на новинари на Македонија и претставници на неколку меѓународни новинарски и медиумски организации.
На средбата, како што соопштија од кабинетот на Пендаровски, се разговарало за прашања поврзани со слободата на изразување и независноста на медиумите во нашата земја.
- Претставниците на новинарските и медиумски организации го информираа претседателот Пендаровски за нивната работа на полето на безбедноста на новинарите. Посочија дека очекуваат, преку средбите коишто деновиве ги одржаа со новинарските здруженија и со надлежните тела и институции подобро да ја осознаат состојбата со медиумите во земјава и дека ќе зајакне нивната меѓусебна соработка, се наведува во соопштението.
Претседателот Пендаровски ја нагласил улогата на медиумите во градењето на слободно и демократско општество и изразил задоволство за интересот за посета на нашата земја од меѓународните новинарски и медиумски организации кои можат да им помогнат на претставниците на медиумите во нашата земја во остварувањето на нивните права.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување