Комплетирани полуфиналните двојки на Австралија Опен

Првиот тениски Гренд слем турнир годинава Австралија опен полека ближи кон самата завршница. Утринава во Мелбурн беа одиграни по два меча од четвртфиналната рунда во двете конкуренции. Веќе се познати сите полуфинални парови во двете конкуренции

 

Кај мажите. Новак Ѓоковиќ и Тони Пол ќе играат во второто полуфинале. 

 

Ова откако, некогашниот светски тенисер број 1, а во улога на 4-ти носител на турнирот во Мелбурн, за нешто повеќе од два часа, во четвртфиналето го победи петто рангираниот Андреј Рубљев во три сета. Србинот, повторно не загуби сет и го доби рускиот тенисер со убедливи 6-1, 6-2 и 6-4. 

 

Противник на Ѓоковиќ за место во финалето ќе биде Американецот, Тони Пол, кој беше подобар од сонародникот Бен Шелтон со 3-1 во сетови, 

 

Во второто полуфинале ќе играат, 3-носител Гркот, Циципас  и (18) Русинот, Карен Хачанов. Мечевите на програмата се во петок. 

 

Кај дамите. Втората полуфинална двојка ја сочинуваат Белорусинката, Сабаленка и Линете од Полска.

 

Ова откако утринава во четвртфиналните мечеви (5-носителка) Арина Сабаленка (Белорусија) ја совлада Дона Векиќ од Хрватска со 6-3 и 6-2, додека Магда Линете беше подобра од фаворизираната (30) Каролина Плишкова од Чешка со 6-3 и 7-5.

 

Претходно пласман во полуфиналето обезбедија (24) Викторија Азаренка, Белорусија и (22) Елена Рибакина од Казахстан