-->
-->
Отошничка река во Ранковце порибена со крап
-->
Здружението спортско-рекреативен клуб „Мрена“ од Крива Паланка денеска изврши порибување на рекреативната зона „Отошница“ во општина Ранковце каде во постојната брана на Отошничка река беа пуштени 102 килограма крап.
Активностите се согласно програмата за 2015 година за порибување на концесионерскиот реон Крива Река 1 со кој шест години стопанисува „Мрена“ . - Порибувањето во оваа концесионерска зона се врши по три години, а средства за рибата која заплива во овој реон се обезбедени од донацијата на „ЕМК Минихидроелектрани“ кои стопанисуваат со електраните на Крива Река. Како општестевно одговорна компанија решија да придонесат кон збогатување на рибниот фонд во Кривопаланечко и Ранковце, за што обезбедија 51 килограм пастрмка за Крива Река и 102 килограми крап кои денеска беа пуштени, изјави Александар Рангелов, претседател на „Мрена“.
Според него, со порибувањето ќе се придонесе за поголема атрактивност на риболовниот реон каде доаѓаат риболовци од Кратово, Куманово, Пробиштип и Скопје. - Рибата со која денес порибувавме е набавена од овластениот репроцентар „Акватик“ од Неготино. „Отошничка брана“ покрај со крап изобилува со пастрмка, порибена во 2010 и истата веќе нарасна и над 5 килограми по парче, потоа клен, попадика, но има и американско сомче, кое е риба-штетник што се храни со икрите од останатите риби, додаде Рангелов.
На порибувањето беа присутни претставници од Институтот за сточарство при УКИМ Скопје и од Државен земјоделски инспекторат кои извршија увид и констатираа дека рибата е контролирана, со сертификат за здравстевна состојба и документ за потекло.
- Во претходно порибениот дел по течението на Крива Река на потегот од „Мотел Макеоднија “ до каскадите на клучката при излезот од Крива Паланка важи целосна забрана за рекреативен и спортски риболов бидејќи овој реон е плодиште на рибите. Долж реката на оваа локација поставени се девет табли со известување за забраната, а лицето задолжено за контрола од „Мрена“ постојано ќе патролира и редовно ќе врши надзор, појасни Рангелов.
„Мрена“ од Крива Паланка е едно од најстарите здруженија за спортско-рекреативен риболов во државата, формирано во 1954 година.
-->
-->
-->
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни