Гласаат инфицираните со коронавирусот и лицата во самоизолација во Охрид и Струга
Правото на глас на предвремените парламентарни избори денеска го остваруваат 38 лица од Охрид кои се во самоизолација или се позитивни на коронавирусот.
-Гласањето на тие лица го реализираат два посебни изборни одбори придружувани од медицински персонал одреден од страна на Државната изборна комисија. Станува збор за 38 лица од градот, но и од околните села Велгошти, Лескоец и Рача, информираше Климент Камнаровски, претседателот на ОИК Охрид.
На идентичен начин се реализира и гласањето во Општина Струга каде денеска гласаат 55 лица позитивни на КОВИД-19 или лица на кои им е одредена мерка за самоизолација.
Претседателот на ОИК на Струга Бледар Зиба појасни дека од тие лица 12 се од градот, а останатите се од струшките села.
-Првиот конвој од гласањето е завршен, собран е гласачкиот материјал, а до крајот на денешниот изборен ден престојат уште да се реализираат два такви гласачки конвои, рече Зиба.
Во Општина Дебрца нема пријавени лица за кои би важеле посебните мерки за остварување на нивното гласачко право во новонастанатата ситуација со епидемијата на коронавирусот.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување