Палестинците подготвени за директни преговори со Израел
Палестинците се подготвени да ги обноват директните преговори со Израел и за помали измени на границата, се наведува во документот што вчера беше доставен до четворката блискоисточни мировни посредници (ЕУ, ОН, Русија и САД).
– Никој нема толку интерес како Палестинците за постигнување на мировен договор и никој не може да изгуби како Палестинците поради недостиг на мир. Ние сме подготвени да имаме наша држава со ограничен број на парчиња оружје и силна полиција што одржува ред и мир. Подготвени сме да го прифатиме присуствто на трета страна врз основа на мандат (на ОН), што ќе обезбеди исполнување на мировниот договор за безбедност и границите, наведе Палестинската управа алурирајќи на НАТО како „водечка меѓународна сила“.
Во документот се предлагаат и „мали измени на границата“, што заеднички ќе бидат договорени и ќе се засноваат на границата од 4 јуни 1967 година, кога почна окупацијата на Западен Брег.
Палестинскиот премиер Мухамед Штајех го претстави планот на Палестинците на почетокот од месецот, но не наведе детали. Планот е одговор на администрацијата на претседателот на САД, Доналд Трамп, кој предвидува израелска анексија на делови од Западен Брег и создавање на демилитаризирана палестинска држава на преостанатиот дел од таа територија.
Планот на Трамп предвидува источен Ерусалим да не биде главен град на идната палестинска држава, додека Палестинците инсистираат на тоа.
Ако Израел прогласи анекција на кој било дел на палестинската територија тоа ќе значи поништување на сите потпишани договори, се посочува во документот.
Израел планира да ја анектира стратешката Долина Јордан и сите еврејски населби во Западен Брег односно околу 30 проценти од палестинска територија окупирана во 1967 година. Во Западен Брег живеат 2,8 милиони Палестинци, а во изминатата деценија бројот на еврејски доселеници се зголеми за 40 отсто на повеќе од 450.000 луѓе.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција