Нови 28 заболени и тројца излекувани од Ковид-19 во Косово, вкупно 731 заразен
Институтот за јавно здравство на Косово (ИШПК) објави дека во текот на вчерашниот ден во земјата се потврдени нови 28 случаи, кои од извршените испитувања резултираа позитивни на Ковид-19, со што официјалната бројка на носители на новиот вирус во Косово се искачи на 731.
Вчера во Косово се евидентирани и три случаи на лица кои, согласно методите пропишани од Светската здравствена организација, по тестирањата два дена едноподруго резултираа излекувани од заразната болест, со што бројката на лица кои ја пребродиле болеста се зголеми на 165.
Најголемиот број новозаразени, вкупно 14, се од општина Ораховац, четворица од Гњилане, по двајца од Пеќ, Качаник, Малишево и Призрен, и по еден од Приштина и Исток.
Според синоќешното соопштение на ИШПК, вчера во неговата Лабораторија за молекуларна микробилогија се тестирани примероците на 292 лица за кои постоело сомневање дека се можни носители на новиот коронавирус. Вкупната бројка на тестирани од појавата на епидемијата, заклучно со вчерашниот ден, изнесува 6.182.
Во саботата е забележана една нова жртва на Ковид-19, 73-годишна жена од Штимле, која страдала и од други болести. Вкупната бројка на починати од заразата во Косово сега изнесува 20.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување