Во Албанија 14 новозаразени со Ковид-19
Со новодијагностицираните 14 случаи, во последното деноноќие, што е за пет случаи повеќе споредено со вчерашниот ден, бројот на заболените со Ковид-19 во Албанија се зголеми на 562 лица.
Како што информираше Марјета Дервиши од Институтот за јавно здравје во последните 24 часа тестирани се 231 сомнителен случај,од кои 35 се здравствени работници.
-Од потврдените 14 позитивни случаи, еден е здравствен работник од болницата во Скадар. До сега направени се 5.542 теста при што позитивни се 562 или околу 10 отсто од вкупно тестираните. Во последното деноноќие 12 пациенти се оздравени или вкупно 314 лица ја добиле битката со опасниот вирус. За жал и покрај напорите на лекарите до сега 24 лица починаа, рече Дервиши.
Во земјата, рече таа, моментно се 222 активно заразени лица и додаде дека како што може да се види бројот на оздравени е поголем а овој тренд продолжува повеќе од една недела.
Според Дервиши, во Инфективната клиника и во болницата „Шефќет Ндроќи“ на лекување се 42 пациента, од нив 10 се на интензивна терапија, од кои четворица во тешка здравствена состојба.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време