Борисов: Бугарија ќе продолжи да го поддржува европскиот пат на Црна Гора
По воспоставувањето нови правила за преговарање за членство во ЕУ, Бугарија ќе продолжи силно да го поддржува европскиот пат на Црна Гора, изјави денеска бугарскиот премиер Бојко Борисов на заедничката прес кофенренција со неговиот црногорски колега Душко Марковиќ, кој престојува во официјална посета на таа земја.
Борисов го осуди вандализам во Црна Гора по повод усвојувањето на Законот за слобода на вероисповед, а како „неразумен“ го оцени потегот на членот на српското претседателство Милорад Додик да стави вето на посетата на црногорскиот претседател Мило Ѓукановиќ на Сараево.
– Бугарија ќе продолжи силно да ја поддржува европската интеграција на Црна Гора во новите услови на преговори за членство во ЕУ. Ги осудувам сите вандалски напади во Црна Гора по донесувањето на Законот за слобода на вероисповед. Сметам дека верските прашања треба да се решат преку дијалог и на мирен начин. Слушнав за забраната за посета на Босна и Херцеговина за претседателот на вашата земја. Со такво однесување државите од регионот нема да станат дел од Европската унија, рече Борисов.
За време на официјалната посета на Марковиќ на Бугарија, исто така се планирани состаноци со премиерот и претседателот на Бугарија Румен Радев, како и со претседателот на Народното собрание Цвета Карајанчева.
Темите на средбите на Марковиќ со бугарските власти ќе бидат интензивирање на меѓудржавната соработка во областа на одбраната, енергетиката, туризмот, земјоделството, инфраструктурата, како и во сферата на културата и здравството, и воспоставување соработка во областа на спортот и младите.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување