-->
-->
Милевски: Горд сум на моите играчи
-->
Селекторот на македонската фудбалска репрезентација до 21 година по денешното реми со Франција рече дека е горд од постигнатиот резултат, но додаде дека жали што не се освоија трите бода, бидејќи неговите избраници по првото полувреме имаа два голови предност.
- Оваа репрезентација повторно покажа дека има талент и желба за победа и дека може да се носи со секој противник. Горд сум што и против големата Франција која има играчи во најдобрите европски лиги ние прикажавме игра што нѐ карактеризира низ целиот квалификациски циклус до сега, а тоа е напаѓачки фудбал. Се разбира дека не сум сосема задоволен што не остваривме победа, но сепак освоивме бод, и по четири кола сеуште сме на делба на второто место со Франција, истакна Милевски.
Тој потенцира дека Македонија е на добар пат да го подобри пласманот од претходните квалификациски циклуси и да се вмеша во борбата за врвот.
- Се уште имаме активна позиција во овие квалификации и искрено се надевам дека ќе успееме да се подигнеме во повисок шешир за следниот циклус. Уште еднаш би сакал да истакнам дека сум задоволен од прикажаното, се разбира дека во иднина ќе треба да поработиме на отстранување на некои мали недостатоци во поглед на тактичката поставеност, но сигурен сум дека оваа генерација има и талент и квалитет со кој може да се остварат одлични резултати, рече Милевски на прес конференцијата по натпреварот.
Македонија попладнево одигра 2:2 со Франција и покрај водството од 2:0 по првите 45 минути.
-->
-->
-->
Ново на Сител
-
Објавен извештајот за починатото 14-месечно бебе, еве ги деталите
-
Следува продолжен викенд: 11-ти Октомври неработен ден за сите граѓани на Македонија
-
Во изминатите четири дена во Грција биле откриени и спасени над 580 бегалци и мигранти
-
Доброволното противпожарно друштво – Кочани доби опрема како донација од Италија
-
Форум за образовни промени: Да се преземат мерки за бројните законски прекршувања на Универзитетот во Тетово
-
Отворено ново студио за медиумски иновации на Правниот факултет „Јустинијан Први“
-
Кина воведе царини на европските жестоки пијалаци
-
Тешко повредено 20-годишно лице по сообраќајна несреќа во Кавадарци