Директорот на велешкото ЈКП „Дервен“ си поднесе оставка за неговиот син да ја задржи јавната функција
Директорот на ЈКП „Дервен“ од Велес, Ѓорѓи Стојанов си поднел оставка и побарал да биде разрешен од функцијата поради тоа што во меѓувреме неговиот син бил поставен за раководител на регионалната канцеларија на Централниот регистар на РМ во Велес, информираше градоначалникот Аце Коцевски на денешната прес-конференција.
– Раководејќи се од високите морални и етички принципи, што јас особено го почитувам, господинот Стојанов се повлекува од функцијата за да не дозволи двајца членови од исто семејство да бидат на високи, одговорни позиции, за да нема непотизам. Јас му честитам за неговиот гест и се надевам дека и други наши претставници на кои сме им дале доверба, во наредниот период ќе го следат неговиот пример, потенцира Коцевски кој му се заблагодари на досегашната успешна соработка.
Имено, Коцевски за утре најави дека ќе ги соопшти имињата на вршители на должност – директори на ЈКП „Дервен“ и ЈП „Парк спорт“. Тој најави дека очекува оставка и од директор на уште едно јавно претпријатие во Велес, а од лични причини дополнително ќе ја информира јавноста.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан