Вонреден инспекциски надзор на градилиштата, автосервисите и отпадите во општина Аеродром

Интервентни мерки против загадувањето на воздухот генерално се почитуваат на целата територија на општина Аеродром, покажува вонредниот надзор градилиштата, автосервисите и отпадите извршен денеска од Инспекциската служба на општина Аеродром.

Од општина Аеродром најавуваат дека вонредниот надзор ќе продолжи и во наредните денови.

Мерките беа воведени веднаш по известувањетo од Министерството за животна средина и просторно планирање дека квалитетот на воздухот два дена по ред го надминува законски пропишаниот минимум, односно изнесува над 188 μg/m3 на мерните станици во Карпош, Центар и Ректорат.

Повеќето од вработените, вклучувајќи го и градоначалникот, се наведува во соопштението, утринава до работните места стигнале пеш или со велосипед.