Гимназијалци од Гевгелија успешно го реализираа проектот ,,Дигитален маркетинг и готварство“

Гевгелиските средношколци успешно го реализираа проектот „Дигитален маркетинг и готварство“ кој во рамки на Еразмус + програмата го спроведуваа со партнер организации од Ирска и Грција.

Проектот опфати двенеделна мобилност на 22 ученици од економско правна и трговска струка во Даблин и исто таква мобилност на 13 ученици од угостителско туристичката  струка во Јанина.

– Проектот овозможи учениците да се стекнат со знаење за основните предуслови за почетен бизнис,предностите на дигиталниот маркетинг, како и со значењето на иновативните бизнис методологии при развојот на малите и микро бизниси.  Ја стимулира креативноста кај учениците при развивање на своите бизнис идеи и со стекнатите вештини им овозможува да бидат поконкурентни на пазарот на трудот, рече Цветан Нелоски, директор на СОУ „Јосиф Јосифовски“ од Гевгелија.

Покрај ова, учесниците во проектот имале можност да се запознаат со предизвците на старт ап компаниите, со начинот на вмрежување, влијанието на маркетинг стратегијата, како и со улогата на технолошките аспекти при развивањето на маркетинг стратегијата.

Во наредниот период предвидени се неколку дисеминации на кои ќе се синтетизираат стекнатите знаења од завршената мобилност во Ирска и Грција.