Пронајдено телото на уште едно исчезнато дете во Берлин

Германската полиција го пронашла телото на шестогодишниот Елијас, кој што се води како исчезнат од јули оваа година. Потрагата по детето кое што исчезнало од пред неговиот дом во Потсдам близу Берлин заврши со потврдата дека пронајдената ДНК е идентична со телото откриено во дворот на имот на осомничениот за друго убиство. 

Локацијата на телото е пронајдена по признанието на 32-годишниот убиец на четиригодишното дете од Босна и Херцеговина, Мухамед Јанузи , кој што на 1 октомври беше киднапиран пред бегалски центар во Берлин додека ги чекал своите родители и браќа и сестри. Неговото тело минатата недела беше пронајдено во багажникот на возилото на убиецот.

Осомничениот кој согласно германските закони во оваа фаза од истрагата се именува како Силвио С. беше уапсен во четвртокот откако неговата мајка го препознала на сликите од безбедносните камери на кои што се гледа како за рака го држи малиот Мухамед. Тој ги признал сексуалните злосторства и убиствата на двете деца.