Во Неготино отруени и затруени неколку кучиња

 Здружението „Срце за животните-Тиквеш” од Кавадарци денеска алармираше дека е расфрлан отров низ Неготино, при што затруени и отруени се неколку кучиња.

Од Здружението порачуваат до жителите да ги приберат на сигурно нивните и маалските миленици, да внимаваат на децата додека одат по улиците, а секоја сомнителна храна на улица внимателно да ја отстранат и фрлат во канализација, никако во контејнер. Воедно, ги повикуваат да пријават секаква сомнителна активност во полиција.

Според нив, отровот за кучиња бил расфрлан, откако се создала глутница по женка во циклус.

Во моментов, едно отруено куче е на обдукција и со добиениот извештај ќе пријават утре во полиција, а велат, имаат сведок и име на трујачот.