Одбележување на 70 години од прогонот на Македонците од Егејска Македонија
Со положување цвеќе пред Споменикот на децата бегалци во паркот Жена борец во Скопје и изложба на фотографии во Домот на АРМ, денеска почна одбележувањето на 70 години од прогонот на Македонците од Егејска Македонија за време на граѓанската војна во Грција 1946-1949 година.
Одбележувањето е во рамки на петтата Светска средба на насилно прогонетите Македонци, во организација на Сојузот на здруженијата на Македонците од Егејска Македонија „Македон“ и под покровителство на Светскиот македонски конгрес.
Во големата сала во Домот на АРМ се одржа културно-уметничка програма со реферат за прогонот и поздравни говори на претседателот на „Македон“ Лефтер Манче и архимандритот Никодин Царкњас.
Во обраќањето порачаа дека најголем грев е да си го продадеш името и дека проблемот не е името, туку тоа што тие живеат таму.
Истакнаа дека за нив името е решено на референдум во 1991 година и дека досега 138 држави не признале под името Република Македонија, поради што дека не треба да преговараме за капитулација со Грција.
На церемонијата присиствуваа претседателот на ВМРО-ДПМНЕ Христијан Мицковски, пратеникот Крсто Јовановски и претседателот на Светскиот македонски конгрес Тодор Петров.
Ново на Сител
-
Флорида прогласи вонредна состојба во 35 окрузи поради заканата од тропската бура Милтон
-
Стармер изрази загриженост поради „одвратната омраза“ кон Евреите и муслиманите од 7 октомври 2023
-
Попко: Украинската ПВО одби нов напад на руските дронови врз Киев
-
Димитриеска-Кочоска: Ги консолидиравме и стабилизиравме јавните финансии, потврда добивме и од „Фич“
-
ЦУК: По обилните врнежи, водата во Гостивар не е безбедна за пиење
-
Во БиХ денеска се одржуваат локални избори, освен во пет општини на ФБиХ поради поплавите
-
Изменет сообраќаен режим во Скопје
-
Литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан