Прва македонско-грчка ликовна колонија „Културен мост“
„Културен мост“ е насловена првата македонско-грчка ликовна колонија што почнува денеска во Струга, во организација на здружението на граѓани „Концепт“ од Скопје.
Пет македонски сликари, шест познати уметници од Грција и тројца млади стружани ќе имаат можност да ја искажат својата креативност, а нивните дела бидат изложени на 6 јули во Чифте Амам во Скопје.
Целта на колонијата, која ќе трае до 5 јули, е воспоставување, развивање и продлабочување на културната соработка и пријателство меѓу уметниците од Македонија и Грција. Иницијативата е на здружението „Концепт“, а учесниците покрај во Струга ќе имаат можност да уживаат во убавините на Калишта, Радожда, Вевчани, Охрид и кањонот Матка.
На колонијата ќе учествуваат македонските уметници Мирослав Масин, Сергеј Андреевски, Шќипе Мехмети, Исмет Рамиќевиќ, Натали Николовска, како и Ангелос Скуртис, Антигони Каввата, Ели Гравалу, Корнилиос Граменос, Марк Хаѕипатерас и Харалабос Кацацидис од Грција.
Ликовната колонија „Културен мост“ е поддржана од Министерството за култура.
Ново на Сител
-
Хрватскиот претседател Зоран Милановиќ утре во официјална посета на земјава
-
Кисела Вода со целодневна програма го одбележува својот патронат-Ѓурѓовден
-
„Мет-гала“: Ријана третпат бремена
-
Герасимовски: Доделуваме 10 илјади денари за возачки испит на младите, безбедноста во сообраќајот е најважна
-
Мерц за шест гласа не успеа да биде избран за канцелар во првиот круг гласање
-
Арсенал заинтересиран за трансфер на Родриго
-
Хамилтон ги критикува перформансите и стратегијата на Ферари
-
Келн го отпушти тренерот пред можното враќање во Бундеслигата