Билансот на загинатите во земјотресот во Авганистан достигна 311 лица

Билансот на загинатите во вчерашниот силен земјотрес со интензитет од 7,5 степени според Рихтеровата скала, кој го погоди североисточниот дел на Авганистан, а беше силно почувствуван и во Пакистан, Индија и Таџикистан достигна 311 лица.

Локалните власти соопштија денеска дека спасувачките екипи се обидуваат да дојдат до зафрлените области во Пакистан и Авганистан.

Според официјалните податоци 237 лица загинале во Пакистан, а 74 во Авганистан.

Во Пакистан се повредени над 1.800 лица, а во Авганистан 266. 

Властите очекуваат дека бројот на жртвите и натаму ќе се зголемува со оглед на тоа дека е потребно време да се стигне до зафрлените области.

Епицентарот на земјотресот е забележан на 250 километри од Кабул, на длабочина од 213,5 километри.