Макрон: Франција во следните денови ќе донесе одлука дали ќе ја бомбардира Сирија

Францускиот претседател Емануел Макрон изјави дека во следните неколку дена ќе одлучи дали да бомбардира објекти во Сирија каде што се произведува хемиско оружје.

На заедничка прес-конференција со саудискиот престолонаследник Мохамед бин Салман, Макрон рече дека конечната одлука ќе биде донесена по консултации со САД и Велика Британија.

- Во овој контекст, ние ќе продолжиме да разменуваме технички и стратешки информации со нашите партнери Велика Британија и Америка, и во наредните денови ќе ја објавиме нашата одлука, рече тој.

Макрон додаде дека ако има напади, тие нема да бидат насочени кон сојузниците на сириската Влада, туку против објектите каде што се произведуваат воени отровни материи.