Драстични казни за ПАОК и газдата Савидис
Екипата на ПАОК дефинитивно ги губи шансите за шампионскиот трофеј откако грчката фудбалска федерација преку својата дисциплинска комисија изрече драконски казни за тимот од Солун по нередите и прекинот на дуелот против АЕК, во домашното првенство. Високи казни се одредени и за сопственикот на ПАОК Иван Савидис кој влезе со пиштол на теренот, револтиран поради поништениот погодок на домаќините во 90 минута.
Проблемите настанаа кога судијата го поништи голот поради наводен офсајд, што наиде на жестока реакција кај сите во ПАОК. Доколку тој погодок беше признат, тимот од Солун ќе победеше со 1:0 и ќе избиеше на чело на табелата, што ќе значеше чекор од титулата.
Сепак, сега титулата останува само сон, бидејќи Дисциплинската комисија го регистрираше прекинатиот меч со службена победа на гостите од 3:0. Освен тоа, на ПАОК ќе му бидат одземени три бода, а во следната сезона ќе започне со минус од два бода и првите три меча на свој терен ќе ги игра пред празни трибини. Паричната казна е 63.000 евра за клубот.
Газдата на ПАОК, Савидис доби забрана за влегување на стадион во следните три години, а треба да плати и 100.000 евра.
Од ПАОК најавија жалба на оваа казна.
Популарно од Фудбал
Ново на Сител
-
Песков: Русија нема добиено официјален став од Индија дека одбива да ѝ се испорачува руска нафта
-
Осумнаесет лица затруени со јаглерод моноксид во ресторан во италијанскиот град Варезе
-
Угостителите побарале пролонгирање на Законот против пушењето, идната недела средба со Дурмиши и Алиу
-
УЈП: Започна исплатата на МојДДВ за четвртото тримесечје од 2025 година, досега реализирани 184,5 милиони денари
-
Претрес во дом на млад кавадарчанец, одземени предмети под сомнеж дека се од кражби
-
СВР Битола поднесе кривични пријави за лица што возеле автомобил без положен возачки испит
-
Бомба фрлена врз куќата на Здравко Чолиќ: Уништени фасада и автомобил
-
Иницијатива на „Лајка“: Биди Валентајн на бездомно куче за еден ден
