Разрешена генералната секретарка на српскиот Парламент поради злоупотреба на должноста

Српскиот Парламент денеска ја разреши од должност генералната секретарка на Народното собрание Светислава Булајиќ по препорака на Агенцијата за борба против корупцијата.

Булајиќ е разрешена со 135 гласови „за“ од вкупно 138 присутни пратеници, од кој еден гласал „против“, а двајца „воздржани“.

Агенцијата за борба против корупцијата претходно достави до претседателката  на српскиот Парламент, Маја Гојковиќ предлог за разрешување на Булајиќ, поради што таа противзаконски си уплатувала средства за службени патувања во странство и наплатувала дневници, но и си пресметувала прекувремена работа.

Според Агенцијата, Булајиќ во 2017 година сама себе си се испраќала на службен пат во Истанбул, во Киев, во Единбург и во Варшава и наплаќала девизни аконтации на име на дневници. Таа за прекувремена работа земала 163.061 динари (приближно 1.400 евра).