Активности во Куманово за Меѓународниот ден на борба против гладта

Под мотото „Помислете и на нас! " во рамки на Меѓународниот ден на борба против гладот, волонтери на општинската организација на Црвениот крст Куманово на терен помеѓу бизнис заедницата и граѓаните, започнаа сособирање средства кои ќе ги донираат на социјално ранливи категории граѓани.

- Волонтерите собираат средства и од граѓаните и од бизнис заедницата. Веќе ги испративме поканите до стопанствениците.Собраните средства се употребуваат за подготовка на пакети со храна кои се делат на лица евидентирани во Центарот за социјални работи,како корисници на социјална парична помош, а меѓу нив се одбираат оние на кои во дадениот момент им е потребна исклучителна помош, изјави секретарот на општинската организација Иле Митковски.

Волонетерите ќе ги промовираат начините на кои сите граѓани ќе може да донираат средства.

Митковски објаснува дека кумановци донираат средства, а особено добар одѕив има кај малите претпријатија во градот. Оваа традиционална активност се спроведува во средината на октомври, а пакетите со храна се делат на крајот од овој месец.