Продолжува собраниската расправа по ребалансот на Буџетот
Во собраниската Комисија за финансирање и буџет денеска треба да продолжи расправата по ребалансот на Буџетот за 2017 година предложен од Владата.
Расправата почна во понеделникот кога министерот за финансии го образложи предложениот ребаланс. Во текот на досегашната расправа пратениците од мнозинството дадоа поддршка, додека опозицијата оцени дека ребалансот е антиреформски и дека се кратат средства за капитални инвестиции на сметка на партиски вработувања.
Основната цел на ребалансот, како што образложи министерот Драган Тевдовски, е да се намалат непродуктивните трошоци и да се обезбеди простор за реализација на политиките на новата Влада.
Вкупните приходи во првите шест месеци се 86,4 милијарди денари што е 46 отсто во однос на планираното, а расходите се 94,6 милијарди денари. Кај расходната страна има сериозно намалување во делот за стоки и услуги кои се скратени за 2 милијарди денари во однос на иницијалната проекција.
Со ребалансот планирани се 23,4 милијарди денари за капитални расходи, а поради ниската реализација во првата половина од годината извршено е намалување кај проектите кои имаат забавена динамика на реализација.
Растот на економијата е ревидиран на 2,2 проценти за годинава, а буџетскиот дефицит е проектиран на 2,9 проценти од БДП.
Расправата по ребалансот на Буџетот, согласно Деловникот на Собранието, може да трае до 10 работни денови. Досега поднесени се над 700 амандмани.
Ново на Сител
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина