Средба на министерот Спасовски со амбасадорот на Израел
Министерот за внатрешни работи Оливер Спасовски денеска одржа работна средба со амбасадорот на Државата Израел Дан Оријан.
Амбасадорот Оријан, како што соопшти МВР, ја потенцирал поддршката за Македонија од Државата Израел и изразил подготвеност за унапредување на соработката на полициите од двете земји, особено во областа на борбата против тероризмот и проблемот со мигрантите.
Министерот Спасовски изразил уверување дека таа соработка ќе продолжи и во иднина, особено во спроведувањето на потребните обуки за зајакнување на капацитетите на МВР.
Потенцирал дека клучен приоритет е целосна реформа на полицијата, затоа што изминатиот период покажал дека има сериозни проблеми со непрофесионалното работење и партизирање на полицијата. Како резултат на тоа, посочил, се случил скандалот со прислушувањето и настаните од 27 април, кои сериозно го нарушиле интегритетот на МВР.
Ново на Сител
-
Над 12 000 инспекциски контроли, уништени околу 56 тони небезбедна храна
-
Приведени тројца тетовчани - пронајдени пиштол, стотици куршуми, дрога
-
Кривична за градоначалникот на Росоман - фалсификувал исправи, купувал алкохол, млечни и сувомеснати производи за домашна потрошувачка
-
Рама: Почнавме со подготовките за Самитот на НАТО
-
30 дена притвор за Нацев, сопственик на агенцијата за обезбедување „Рубикон“
-
Авионско прскање против комарци утре наутро во Скопје
-
ДЗР: Констатирани неправилности и системски слабости во Комисијата за хартии од вредност
-
Во Брисел продолжува дијалогот меѓу Белград и Приштина