Русија повика на дијалог за катарската криза
Русија денеска повика на дијалог меѓу Катар и неговите соседи во Заливот, ветувајќи помош во посредување за решавање на кризата.
- Ги следиме со загриженост информациите за таа ескалација, изјави рускиот министер за надворешни работи Сергеј Лавров на средбата во Москва со својот катарски колега Мохамед бин Абдулрахман Ал-Тани
Лавров истакна дека „Русија не е задоволна со ситуацијата во која односите меѓу нашите партнери се влошуваат и ние сме за изнаоѓање решение за проблемот по пат на дијалог“.
Катар бара помош однадвор за решавање на спорот со своите соседи, кои го обвинуваат за финансирање на терористички групи и не се задоволни од неговите врски со движењето „Муслиманско братство“ и спонзорирање на телевизијата „Ал Џазира“.
Шефот на руската дипломатија нагласи дека Москва е „подготвена да направи се што е во нејзина моќ“ за да се реши кризата, нагласувајќи дека е неопходно единство во борбата против тероризмот.
Катар ги осуди тврдењата изнесени против него, а Ал-Тани за време на средбата ги нарече обвинувањата „нелегални“.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час