Македонија
26. November 2020 - 17:47

Неколку скопски села и општини утре, вo сабота и вo понеделник без струја

Корисниците од селата Горно и Долно Количани, Пагаруша, Вртекица, Равни Габер, Драчевица, Црвена Вода, Цветово, Палиград и Алдинци утре од 8:00 до 12:30 часот ќе останат без напојување со електрична енергија.

Од 8:30 до 15:00 часот без струја ќе бидат и  дел од корисниците од улиците „Кленоец“ и „Владимир Каваев“ во Општина Карпош, од 12:00 до 13:30 часот, дел од улиците „Исаија Маџовски“, „Ибе Паликуќа“, „Воин Драшковиќ“ и „Стево Филиповиќ“ во Општина Ѓорче Петров, како и дел од улиците „Веселин Маслеша“, „Шекспирова“ и „Бранислав Нушиќ“ во Општина Карпош.

В сабота од 8:00 до 12:30 часот, без напојување со електрична енергија ќе бидат корисниците од улицата „Архиепископ Доситеј“, зграда бр. 33 и зграда бр.35 во Општина Чаир, а в понеделник од 9:00 до 12:00 часот, корисниците од делови од улиците „Римска“, „Анкарска“, „Атинска“, „Наум Евро“, „Панче Пешев“ и „Бахар Моис“ во Општина Карпош, додека од  9:00 до 13:00 часот без струја ќе бидат дел од корисниците од село Чајлане.

Како што информира Регионалниот центар за управување со кризи на Град Скопје,причина за прекинот во снабдувањето со електрична енергија е изведувањето планирани технички зафати во дистрибутивната електро мрежа од страна на екипите на ЕВН Македонија АД.