НАТО го осуди нападот врз танкерот кај Оман и го повика Иран да ги почитува меѓународните обврски
НАТО денеска им се придружи на сојузниците остро осудувајќи го нападот врз нафтениот танкер „Мерсер Стрит“ крај брегот на Оман, и изрази сочувство до Романија и Велика Британија за претрпените загуби.
Слободата на пловење е од витално значење за сите сојузници во НАТО и мора да се почитува во согласност со меѓународното право, се наведува во соопштението на Алијансата.
Обединетото Кралство, САД и Романија заклучија дека најверојатно Иран е одговорен за овој инцидент, а сојузниците изразуваат загриженост поради иранските дестабилизирачки дејствија во регионот и го повикуваат Техеран да ги почитува своите меѓународни обврски.
Две лица, Британец и Романец, загинаа во нападот со беспилотно летало врз нафтениот танкер „Мерсер Стрит“, што го управува компанијата „Зодијак маритим“, сопственост на израелскиот милијардер Ејал Офер.
Бродот пловеше под знамето на Либерија, а компанијата соопшти дека се уште се утврдуваат сите околности, додека израелскиот министер за надворешни работи Јаир Лапид во петокот за инцидентот го обвини „иранскиот тероризам“ .
Иран ги отфрли обвинувањата, наведувајќи дека Израел со ваквите неосновани тврдења се обидува да го оттргне вниманието од фактите .
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228