Наместо да подготвуваат испити, во Пелагонија студентите подготвуваат тенџериња со топла вода

Наместо да подготвуваат испити, студентите во Пелагонија подготвуваат тенџериња за да си стоплат вода, за да може да се избањаат. Во домот нема основни услови за хигиена.

Во пресрет на Меѓународниот ден на студентите, младите се гласни за лошиот студенски стандард кој со години го грди образот на високото образование во Македонија.

Приоритетите на Универзитетското студенско собрание се квалитетно високо образование и намалување на бројот на студиски програми. Претседателот на УСС предлага најдобрите студенти да учат бесплатно, како што е веќе пракса кај државите од регионот.

Бројните истражувања на невладиниот сектор покажуваат дека младите си одат од државата не само поради ниските плати, туку и поради високото ниво на корупција.

За меѓународниот ден на студентите, стденските собранија на универзитетите од целата државата се собраа на УКИМ, каде се одржаа повеќе панел дискусии, кои резултираа со порака до властите за потребата од итни реформи во високото-образование.